Wo Jab Se Shehr e Kharabat Se Rawana Hua By Parveen Shakir

 Wo Jab Se Shehr e Kharabat Se Rawana Hua
Baraherast Mulaqat Ko Zamana Hua

 Wo Shehar Chod Ke Jana To Kab Se Chahta Tha
Ye Nokri Ka Bulawa To Aik Bahana Hua

Khuda Kare Teri Aankhien Hamesha Hansti Rahien
Ye Aankhien Jin Ko Kabhi Dukh Ka Hoosla Na Hua

Kenar-e-Sihan-e-Chaman Sabz Beel Ke Neeche
Wo Roz Subah Ka Milna To Ab Fasana Hua

Main Soochti Houn Ke Mujh Main Kami Thi Kis She Ki
Ke Sab Ka Ho Ke Raha wo, Bus Aik Mera Na Hua

Kise Bulati Hain Aangan Ki Champe Shamien
Ke Wo Ab Apne Naye Ghar Main Bhi Purana Hua

Dhanak Ke Rang Main Saari To Rang Li Main Ne
Aur Ab Ye Dukh, Ke Pihan Kar Kise Dekhana Hua

Main Apne Kanoun Main Beele Ke Phool Kyun Pehnoun
Zaban-e-Rang Se Kis Ko Mujhe Bulana Hua