Hamare Baad Chali Rasm e Dosti Ke Nahi? By Mohsin Naqvi

 Hamare Baad Chali Rasm e Dosti Ke Nahi?
Hawa Ki Zid Pa Koi Shama Phir Jali Ke Nahi?

 Bichad Ke Jab Bhi Mile Mujh Se Pochta Hai Wo Shakhs
Ke In Deno Koi Taza Ghazal Huwi Ke Nahi?

Wo Rihguzar Jo Andheron Main Sans Laite Thi
Tumhare Naqsh e Qadam Se Chamak Uthi Ke Nahi?

Nikal Ke Jis Se Huwa Apna Dard Awara
Kisi Ke Dil Main Wo Mehfal Bhi Phir Saji Ke Nahi?

 Suna Hai Aam Thi Kal Shab Ko Chand Ki Bakhshish
Bujhe Gharon Main Abhgi Utri Ke Nahi?

Dayar e Hijar Se Aye Ho, Kuch Kaho Mohsin
Ke Sham e Gham Bhi Kisi Mod Par Mili Ke Nahi?