Dil Pareshan Hai, Kya Kiya Jaye?
Aqal Heeran Hai, Kya Kiya Jaye?
 Shoq e Mushkal Pasand In Ka
Sakht Asaan Hai, Kya Kiya Jaye
 Ishq e Khoban Ke Sath Hi Hum Main
Naaz e Khoban Hai, Kya Kiya Jaye
 Be-Sabab Hi Mere Tabeyat e Gham
Sub Se Nalan Hai, Kya Kiya Jaye
 Bawajood Un Ki Dilnawazi Ke
Dil Garezan Hain, Kya Kiya Jaye
 Main To Naqd e Hayat Laya Tha
Jins Arzaan Hai, Kya Kiya Jaye
 Hum Samajhte The Ishq Ko Dushwar
Ye Bhi Asaan Hai, Kya Kiya Jaye
 Wo Baharon Ki Naaz Parwarda
Hum Pa Nazan Hai, Kya Kiya Jaye
Misr e Lutf o Karam Main Bhi Aye Jaun
Yaad e Kin'an Hai, Kya Kiya Jaye

0 Comments ::

Post a Comment