Aadmi Jalta Deya Hai Aur Bus By Mohsin Naqvi

 Admi Jalta Diya Hai Aur Bus
Sans Awara Hawa Hai Aur Bus

 Mout Be-Afaaq Sadiyun Ka Safar
Zindagi Zanjeerpa Hai Aur Bus

 Na-Rasaye, Es Qadar Barham Na Ho
Lab Pa Ek Harf e Dua Hai Aur Bus

 Aur . Main Rutha Houn Apne Aap Se
Aur . Tu Mujh Se Khafa Hai Aur Bus

 Ya Nigahon Main Hai Rangon Ka Hujom
Ya Tera Band e Qaba Hai, Aur Bus

 Es Taraf Tughna'eyon Par Hai Chanab
Us Taraf Kach Ghada Hai Aur Bus

 Dil Mesal e Dasht Be-Naqsh o Nigar
Es Maan Tera Naqsh e Pa Hai Aur Bus

 Sham e Gham Main Tere Hathon Ka Khayal
Shughla e Rang e Hina Hai Aur Bus

Us Ke Mere Fasle Mohsin Na Poch
Rang Se Khushbo Juda Hai Aur Bus