Wo Jo Hum Main Tum Main Qarar Tha Tumhien Yaad Ho Ke Na Yaad Ho By Momin Khan Momin

 Wo Jo Hum Main Tum Main Qarar Tha Tumhien Yaad Ho Ke Na Yaad Ho
Wahi Yani Waada Nibah Ka Tumhien Yaad Ho Ke Na Yaad Ho

Wo Jo Lutf Mujh Pa The Beshtar Wo Karam Tha Mere Haal Par
Mujhy Sub Hai Yaad Zara Zara Tumhien Yaad Ho Ke Na Yaad Ho

Wo Naye Gile Wo Shikayatien Wo Mazay Mazay Ki Hikayatien
Wo Har Aik Baat Pa Roothna Tumhien Yaad Ho Ke Na Yaad Ho

Kabhi Bheete Sub Hain Jo Robaro To Isharaton Hi Se Guftago
Wo Bayan e Shouq Ka Barmala Tumhien Yaad Ho Ke Na Yaad Ho

Hue Ittefaq Se Gar Beham To Wafa Jatane Ko Dum Ba Dum
Gila e Malamat e Aqraba Tumhien Yaad Ho Ke Na Yaad Ho

 Koi Baat Aisi Agar Huwi Ke Tumhare Ji Ko Buri Lagi
To Bayan Se Pehle Hi Bholna Tumhien Yaad Ho Ke Na Yaad Ho

 Kabhi Hum Main Tum Main Bhi Chah Thi Kabhi Hum Se Tum Se Bhi Rah Thi
Kabhi Hum Bhi Tum Bhi The Ashna Tumhien Yaad Ho Ke Na Yaad

Suno Zikar Hai Kaye Saalon Ka Ke Kiya Ek Aap Ne Waada Tha
So Nibahne Ka To Zikar Kiya Tumhien Yaad Ho Ke Na Yaad Ho

 Kaha Main Ne Baat Wo Koothe Ki Mere Dil Se Saaf Utar Gayi
To Kaha Ke Jane Meri Bala Tumhien Yaad Ho Ke Na Yaad Ho

 Wo Bigarna Wisal Ki Raat Ka Wo Na Manna Kisi Ki Baat Ka
Wo Nahien Nahien Ki Har Aan Ada Tumhien Yaad Ho Ke Na Yaad Ho

Jise Aap Ginte The Ashna Jise Aap Kehte The Ba Wafa
Main Wahi Houn Momin e Mubtala Tumhien Yaad Ho Ke Na Yaad Ho