Sukh Ka Mosam Khayal o Khawab Hua By Mohsin Naqvi

 Sukh Ka Mosam Khayal o Khawab Hua
Saans Lena Bhi Ab Azaab Hua

 Ankhon Ankhon Padha Karo Jazbe
Chehra Chehra Khuli Kitab Hua

Ek Falak Naaz Ki Muhabbat Main
Main Hawa'on Ka Hamarkab Hua

 Adal Parwar Kabhi Hisaab To Kar
Zulm Kis Kis Po Be Hisaab Hua

 Kon Mojon Main Gholta Hai Laho
Surkhuro Kis Liye Chanab Hua

 Kis Ke Sar Par Sanan Ko Rashk Aya
Kon Maqtul Main Kamyab Hua

Ab Ke Hijran Ki Dhoop Main Mohsin
Rang Us Ka Bhi Kuch Kharab Hua